Five things wey we observe as Juventus knack Manchester United 1-0: Mourinho mess up tactically


The Red Devils bin face the mighty Juventus for Champions League and na 1-0 defeat e end as Dybala burst their yansh for first half. The only joy wey i get about this result, na the fact say Valencia and Young Boys play 1-1. But the Red Devils gats pick up point for Juventus house if dem wan siddon for good position for second place.

Make we sha talk about the five things wey we observe for the game:

The first thing wey we observe na say Manchester United bin over respect Juventus for first half, dem allow make dem hold ball for too long. That first half, be like men against boys. As i dey watch that first half, e remain small i for standa, slap one United player through my tv. If dem win ball, dem go give am back to Juve like say fear dey catch them. But e shock me say Mourinho no make any changes. To him, to lose 1-0 against Juventus na good result. Na wa.

The second thing wey we observe na say our defence bin impress me (Chris Smalling and Victor Lindelof), but na Lindelof play pass. E shock me say Lindelof put Ronaldo inside hin pocket. If no be for am, e sure me say Cristiano for don score.We wan hail dem wella.

Another thing wey we observe na say our attackers no impress me (Lukaku, Rashford and Martial). Their decision making bin dey very poor from selfishness to yama yama shot. But na Lukaku wey mess up pass. I no dey even talk about hin lack of goals, na everything, hin first touch, composure, link up play, arial duels, everything no dey work for hin body. I dey pray make e improve soon or e go warm bench soon.

Another thing wey we observe na say Manchester United bin try do their normal ginger for second half but Juventus defenders Bonucci and Chiellini no allow make dem smell their post. The closest chance wey United get na Paul Pogba’s attempt wey knack post for second half. But i no fit lie, Paul Pogba impress me as e try for midfield but only am no fit do the work.

The last thing wey we observe na say Manchester United gats work to improve on their first half performances. For the last three games, their first half na full dead. I hope say Jose Mourinho go address am during training.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s