Five Things wey we observe as Manchester United knack Everton 2-1: Toto dey on fire

dqnup0fw4aeg14b

Na our French boys wey shine today as Manchester United knack Everton 2-1 for Old Trafford. Na Paul Pogba wey first score from penarity, before e con do assist for Anthony Martial, for second half. Right now, the Red Devils dey on 17 points, their next game na against Bournemouth (Na away game)

We wan talk about the five things wey we observe for the game:

The first thing wey we observe na say Anthony Martial and Paul Pogba sabi read each other very well. E sweet me say dem two dey on top form right now. The goal wey Martial score, na perfect R2. E pain me say the French man no score two goals as e bin miss one on one for dying minute in second half. All round, i dey happy with Martial, i hope e go continue hin scoring at Bournemouth house.

Another thing wey we observe na say the Red Devils turn things around. Apart from that Juventus game, the last three PL games wey United don play, dey impressive. The 3-2 win vs Newcastle, the 2-2 vs Chelsea, the 2-1 vs Everton. The only problem na say, dem no sabi keep clean sheet again. By God’s grace, dem go keep clean sheet against Bournemouth.

Another thing wey we observe na say Nemanja Matic’s bad form don continue as e play rubbish against Everton today. The guy slow pass Tortoise. If no be for the love wey Mourinho get for am, e for dey warm bench.

Another thing wey we observe na say Romelu Lukaku don lose confidence but if Mourinho fit restore am, with the way Martial dey hot, United fit dey blow teams away. Till then, make e dey warm bench, dey go.

The last thing wey we observe na say Manchester United get plenty work to do if dem wan finish for Top four. Arsenal, Liverpool, Man City and Chelsea dey hot but if Jose Mourinho and hin men fit dey win consistently, dem go finish top four.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s