The kind joy wey dey my body tonight as Marcus Rashford score Fergie time winner ehn, i no fit explain am. I wan thank God because if no be for am, we for lose today. However, the Red Devils get many work to do, if dem wan finish top four.
We wan rate all our Man United players:
David de Gea: I no go blame am for the goal. If no be for De Gea, United for no win today. I go rate am 8.
Luke Shaw: E play well for hin wing. I like how e bin dey link up with Martial. But e pain me say e miss one on one. I rate am 7.
Ashley Young: E no play super, but e no spoil game. Na average game e get. I rate am 5.
Chris Smalling: This guy na moron today jare. I rate am 2.
Victor Lindelof: E impress me, this guy don step up. I rate am 6.
Fred: Apart from hin tackles, e no too link up well with Matic and Pogba. I rate am 5.
Matic: This guy na ode this season and e continue am today. I rate am 3.
Pogba: E mess up for the first 30 minutes but e con come into the game. Hin second half dey outstanding, that hin cross to Rashford for dying minute na world class. I rate am 7.
Martial: This guy don dey transform to world class. Hin goal make brain. I rate am 8.
Mata: E just dey like dele. But e no play well today. I rate am 4.
Alexis: I for rate am 2 but as e manage do assist for Martial’s goal, i go rate am 4.
Lingard come mark attendance so i no fit rate am. But I rate Herrera and Rashford 6 each.