As today na Monday, Juan Ikeji don release hin blog. The United midfielder don praise hin teammates for their winchy winchy fighting spirit and e dey also look forward to Juventus and the Manchester derby.
“The fact say we don win our last two games 2-1, don ginger our moral as we dey wakka enter the hardest weeks of the season. This week we go face Man City and Juve,” na wetin Juan yarn.
“Fear no dey catch us this week at all, as our moral don high. No be beans say we knack Bournemouth o, as dem no be easy team this season. For 10 match days, na only two games dem don lose.”
“E make sense as we manage win another match after that Everton win. Na Bournemouth score first, but we change am for dem, knack dem. That stoppage time goal sweet my belle.”
“The best thing about the win na say our away fans go travel home happy. Una try o, because e no easy to travel long distance because of match. Our away fans, I thank una for una support.”