Five things wey we observe as Manchester United knack Juventus 2-1: Home Unbeaten run don end

img_3448

Manchester United don shock the football world as dem manage come from behind in the last five minutes to knack Juventus 2-1. The people wey score for the Reds na Juan Mata and Alex Sandro (own goal).

The three points too sweet my belle because e mean say United Champions League destiny, dey their hands now and e don put pressure on Valencia. The next game wey United get na against Manchester City this weekend but that one na tori for another day.

We wan talk about the five things wey we observe for the Juve v Man U game:

The first thing wey we observe na say Manchester United bin try defensively for the game, although luck bin dey their side as Juventus bin knack post and bar for the game. Nothing wey our defenders fit do about that Ronaldo goal as the assist to am and hin finish be world class. The koko na say i dey happy with Luke Shaw, Ashley Young, Victor Lindelof and Chris Smalling.

Another thing wey we observe na say Manchester United no play well for first half as dem no see chances for the half. The only good thing for the half, na say dem manage keep clean sheet. But all round, na the same yama yama wey dem don play for the last 5 first halfs. We hope say dem go step up against Man City sha, because if you allow make City do you anyhow for first half, enough time fit no dey for come back for second half.

Another thing wey we observe na say Jose Mourinho don prove say e be the special one again as e manage make two tactical changes wey save hin side’s hope for Champions League next round. Na the Mata and Fellaini, wey e carry enter change the game as dem worry Juve defenders. Na Mata score first goal, and na Fellaini wey make dem score own goal.

Another thing wey we observe na say Cristiano Ronaldo don show United, say e no send dem as e celebrate against them. E score, begin show hin six packs. That thing pain me no be lie. E sweet me as Juan Mata and Fellaini humble am.

The last thing wey we observe na say Manchester United gats improve their game if dem wan rise wella this season. I know say come backs dey sweet but no be every time you go dey allow your opponents to score first. No give us high bp abeg.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s