Five things wey we observe as Manchester City knack United 3-1

Na sad night for United fans as the Red Devils bin lose 3-1 against Manchester City for Ethiad Stadium. Na bad result for Jose Mourinho and hin men as e mean say dem go enter international break in Eight position with 20 points. Na disgrace because dem even dey behind Bournemouth and Watford for table.

We wan talk about the five things wey we observe for the game:

The first thing wey we observe na say Manchester United no play shingbai from start to finish. Apart from the penalty wey Lukaku win, the club no play like say dem wan collect points for Ethiad. Na big shame.

Another thing wey we observe na say Lingard, Herrera, Matic and Rashford bin mess up. Out of all of them, the worst na Herrera as e bin lose ball plenty times to City players. Hin head no just dey the game.

Another thing wey we observe na say Jose Mourinho bin fail tactically today. E fail woefully and Guardiola show am say e be small pikin. Even hin second half ginger no work today as the City boss bin counter am with hin own changes. Even the Sanchez and Mata wey enter, no impact the game.

Another thing wey we observe na say Manchester United fit miss out on top four as the gap don dey wide. City win, Liverpool win, Spurs win, na only Arsenal and Chelsea bin draw but na still point gained. I no believe say this United team fit make am if dem no improve on their defense.

Lastly, Man United without Paul Pogba na Kano Pillars. The Red Devils bin miss hin creativity for midfield today. If say e dey, the game for dey different.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s