Five things wey we observe for Manchester United 0-0 Crystal Palace: Na shame

When you think say you don see the worst from Manchester United, dem go surprise you say you never see anything yet. Na how i take dey shocked as Crystal Palace almost knack us for Old Trafford. Last last na 0-0 e end. Our next game na against Young Boys for Champions League. Meanwhile, make we talk about the five things wey we observe against Palace:

The first thing wey we observe na say, na only Lindelof and De Gea try against Palace. The other players do yama yama. The whole team confuse sote dem no sabi how dem go manage create chances against Palace. If i go dey honest, na Palace wey see the best chances to win the game.

Another thing wey we observe na say Jose Mourinho bin mess up tactically. The only substitution wey e do, wey make brain na Rashford, as Alexis and Fellaini be like vanishing spray. Alexis just dey throw rubbish pass. Fellaini no even head one ball as all the crosses no reach am. Who wan cross the ball self?. Jose Mourinho na big ode and i go blame am hugely for the draw.

Another thing na say Manchester United players na bunch of individual talented players. No be all of them even dey talented as people like Matic and Darmian be ode. The team no dey play as unit, na only individual brilliance fit save dem but e no fit happen everyday.

Another thing wey we observe na say Victor Lindeof be our stand-out performer. Upon say e get injury, e still remain for pitch and e help us mark. I hope make hin injury no too serious.

The last thing wey we observe na say Manchester United no dey top four race for now, till further notice. This United team wey don struggle against every Premier League team this season, no go finish there.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s