Manchester United defender Luke Shaw dey look forward to the Champions League clash against Young Pikins. The English international bin dey suspended during hin side’s 0-0 draw v Palace but the result still pain am.
Shaw: “E sure me say we go beat dem. We fit use this game bounce back plus if we beat dem, we don qualify for next round.”
Shaw: “I no know as we manage beat Juventus away but we no fit beat Palace for our house. See ehn, e dey pain me gan.”
Shaw: “If you wan play for manager like Mourinho, you gats get strong mind. Even if you wan play for United, you gats dey rugged. We gats fight for the fans, manager and club. I bin renew my contract because i know say United go rise again.”
Jose Mourinho talk say hin players no get heart, now Luke Shaw don reply am: “I know say e dey look like that sometimes, but everybody for here wan win games. Everybody dey vex for the last two results.”