Five Things wey we observe as Manchester United knack Young Boys 1-0

Na Fellaini’s dying minute winner wey save Jose Mourinho and hin Manchester United men from shame as the Red Devils don book their place in the UEFA Champions League round of 16.

Valencia and Young Boys don jah from the competition, as Mandzukic bin score the only goal as Juve knack Valencia 1-0. Anyway, we wan talk about the five things wey we observe for the game:

The first thing wey we observe na say Manchester United no use their chances well. The main person wey i go send warning letter to na Marcus Rashford, the guy just dey miss plenty chances. The thing frustrate Mourinho. As for Martial, e get off day as e no do shingbai. These United attackers sabi vex person sha.

Another thing wey we observe na say Manchester United midfield bin dey too static. I know say na Maroune Fellaini wey score winning goal but the truth na say, e no suppose dey start games for United. Na Pogba suppose start as e sabi drive with ball. I go still praise Fred sha because e try but e also dash Young Boys ball sometimes.

Another thing wey we observe na say David de Gea bin save Manchester United from big shame. That hin world class save bin change the game. If say Young Boys score am, United for no see chance to win the game.

Another thing wey we observe na say Manchester United defence try sha. Phil Jones and Chris Smalling no struggle. Apart from that chance wey De Gea make, i no dey sure say Young Boys see another chance. But another thing be say Young Boys no get attack as dem throway most of the chances dem see, most of their shots no dey on target.

Lastly, Manchester United gats improve because e sure say dem go finish second for the group. If dem play like this, dem no go make am past the round of 16.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s