Manchester United manager Jose Mourinho don react ontop hin side’s 1-0 against Young Boys.
The Reds boss don praise hin players for their ‘No give up’ attitude. E also don heap praises on De Gea as na hin world class save help United to win.
Mourinho: “I gats link the goal we score to that mad save De Gea make. If say e no make am, we for no win tonight. But last last, we don qualify from group of death with game in hand, we suffer no be small, but we do am.”
Mourinho: “I bin no vex for my players, at all, the only thing na say, i frustrate say we no fit score but i know say my men bin try their best, dem dey tired. Dem give everything, dem play well today.”
Mourinho: “David de Gea be world class o. Him na the best for this world. If we wan return back to winning club, we need keeper wey sabi plus other winchy winchy players. I know say e wan stay – hin agent go do wetin e want.”
Mourinho: “Many teams dey this Champions League, wey better pass us, teams wey get hunger, teams wey wan lift that trophy like say na their birthright. But if we fit reach quarter-final, anything fit happen.”