Former Manchester United legend Paul Scholes don blast Jose Mourinho and hin players. E talk say dem be bend-down-select.
The former Reds man talk say Mourinho use dey 1980 football pattern for Manchester United.
Scholes: “The best teams for this world dey attack. Na high press attacking football but Mourinho own pattern na outdated. I no even sabi why e dey remind us of all the trophies wey e don win for hin life? That one na for hin pocket, make e no turn our team to mumu.”
Scholes: “The team play rubbish against Young Boys. Dem just dey play like say their brain dey inside their yansh. If say dem dey face team wey good small, dem for lose. This match bin remind me of that Sevilla game wey dem lose for last 16 last year.”
Scholes: “I dey feel bad for Young Boys, say dem no fit beat this United team wey pack morons for pitch. If say Young Boys sabi ball, dem for win.”