Five Things wey we observe as Manchester United demolish Fulham 4-1: Rashford dey para

Manchester United don finally win match, e too sweet my belle. The thing wey dey yori yori me na the fact say dem win 4-1 against Fulham. The people wey score for the Reds na Ashley Young, Juan Mata, Romelu Lukaku and Marcus Rashford.

The next game wey the Reds get na against Liverpool. That one go bloody sha. Till den, make we talk about the five things wey we observe today.

Firstly, Mata na the perfect 10 wey Jose Mourinho and Manchester United need for the team. Make dem sharply renew hin contract, else, wahala go dey if hin contract expire. E go hard to replace am.

Secondly, the new signing Diogo Dalot don solve all the problems wey the Red Devils get for right-back for the next ten years. E sabi push attack. E dey struggle small for defence but hin recovery na 100%.

Another thing wey we observe na say Matic na still dead. Baba slow pass tortoise, i no know why Mourinho still dey use am week in, week out.

Another thing wey we observe na say Marcus Rashford don dey find the form wey e get under Louis van Gaal’s era. For the past three games (Southampton, Arsenal and Fulham), e dey on fire. Na left-wing wey e play today.

Lastly, simple game dey do well for Manchester United. Complex football no dey help Jose Mourinho. Na why the Reds no miss Pogba. But make we no dey carried away as Fulham be last on the table (aka yama yama club).

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s