Manchester United boss Jose Mourinho don run press conference ahead of hin side’s clash against Valencia on Wednesday.
Mourinho: “Greenwood and Garner? Dem no go start. Garner go dey bench. Greenwood go dey reserve but incase anybody wound, e go dey reserve bench. Many players dey ahead of dem, wey dey hungry for game time.”
Jose: “I know say we bin leave some players for Manchester but na only first team wey i go choose from. People like Garner and Greenwood no go play jare.”
Mourinho: “The match tomorrow dey my mind. I know say we don qualify sha. Na football sha, anything fit happen. But i believe say Juventus go knack Young Boys. I no believe say we go finish above them.”
Mourinho ontop Pogba: “I wan see if e go play well so i dey pair am up with players wey never see much game time. I hope say e fit control the game, him and other senior men wey go start.”
Mourinho ontop Lukaku: “Na Lukaku wey tell una, if say e no talk, i for no talk. My meetings with my players, no be una business. Wetin e talk na the truth but una no fit hear am from my lips.”