Five things wey we observe as Valencia knack Manchester United 2-1

This Manchester United team sabi give person high BP with their yama yama performance sha. To cut the long story short, na another rubbish game wey dem play as Valencia knack dem 2-1. Na Marcus Rashford wey score for them. The next game wey the Reds get na against Liverpool on Sunday. Hopefully, dem no go shame their family members with woeful display again.

Make i kukuma talk about the five things wey I observe last night against Valencia.

Firstly, the team wey start the game na error. Na Mourinho i go blame self. Wetin Rojo dey find for left-back? E con put Maroune Fellaini for defensive midfield? Na wetin kill United as dem two confuse, especially that Rojo wey struggle for left-back.

Secondly, We bin notice say Paul Pogba bin dey play with fear as e wan keep am simple by fire by force. Na only for second half wey e con gain confidence small, dey ball after Rashford and Lingard enter, if say Juan Mata for score with that mad chip wey Pogba lay for am, hin critics for lock up.

Thirdly, our attack na dead against Valencia. Lukaku first touch error, hold up play error. Andreas Pereira no impress me for left-wing, e no even dribble anybody or worry defenders. As for Mata, e bin dey drop deep so e no do shingbai.

Another thing wey we observe na say our back-line struggle. Na only Bailly wey try small for there. Rojo and Jones na nonsense and ingredients. As for Romero, e sabi make good saves but e lack wisdom, i no go blame am, na wetin lack of game-time dey cause.

The last thing wey we observe na say Manchester United fit dey do competition to surpass their worst performance. You go think say you don see the worse from them, but them go prove you wrong. This season alone, dem don play rubbish for most of their games, na big shame. Make Mourinho pack and leave when season end.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s