The contract wey Chris Smalling sign with Red Devils go keep am at the club till June 2022. E fit extend am by one year self.
The United defender don yarn ontop the matter as e too sweet am for belle, say Manchester United renew hin contract.
Smalling: “Na my ninth season for the club and e sweet me say i go continue dey grow with the team. E dey make my head swell say i fit play for big team like Manchester United. Now the koko na to put head for ground, so we fit get good results.”
Mourinho ontop Smalling: “E sweet me say Chris don renew sha. E don dey this club for many years, na senior man for here o.”