New Manchester United manager Ole Gunnar Solskjaer don run hin first interview tonight.
Solskjaer: “I dey feel good. E be like say i dey come my houss. E sweet me to see everybody. Na six months, i go enjoy am. I don begin work sha till when dem find permanent manager.”
Solskjaer: “The koko na make the players begin enjoy football. The number of games no be problem. Winchy players dey here, dem go see chance to prove themselves.”
Solskjaer: “Na like 23-24 players dey here. All of dem sabi ball, dem go see chance. Everybody dey fight for shirt.”
Solskjaer: “I don dey for United reserves so i know as e dey be. I know as e be for United academy. I don dey here since before Class of 92, na why me and Nicky dey relate well. We sabi ourselves since Sir Matt Busby days.”
Solskjaer ontop the PSG game: “I no fit wait for am, my blood dey boil, but many matches dey before that one. We wan build our foundation now so we fit ginger as we dey face PSG.”
Solskjaer: “Na we be Man United. Na our tradition, make we dey play attacking football, make we dey win. Na the biggest club for this World, our fans na the best. Na we get the best players for this World.”