Manchester United midfielder don finally speak up about Jose Mourinho after the 5-1 demolition wey the Red Devils give Cardiff today and e don thank hin former United boss for the trophies wey e guide them to.
Jose Mohrinho bin lose hin job on Tuesday, now the French midfielder don thank am.
Pogba ontop Jose Mourinho: “We bin win trophies with Jose and i wan thank am for that. Not everything bin go well but we work. But we manage win trophies. E bin improve me as a person, shikena.”
Pogba don also talk about United’s ambition this season: “E sure me say all the players dey hungry for the next game, the points dey hungry us. We wan climb for table, we wan reach top of the League. Na the only thing i fit talk. We ball fire.”