Five things wey we observe as Manchester United knack Huddersfield 3-1

Manchester United don continue their winning ways under their new caretaker manager Ole Gunnar Solskjaer as the Red Devils knack Huddersfield Town 3-1 for Old Trafford. The next match wey the Reds get na against Bournemouth by 5:30pm on Sunday.

Meanwhile, make we talk about the five things wey we observe for the game:

The first thing wey we observe na say Paul Pogba na new man under Solskjaer. Na only two games wey the French man don play under am, but e don score two goals, and e get two assists. For that Cardiff game, Pogba try but today, e turn beast in front of post. Hin both goals make mad brain. I hope say e fit continue like this as e go help Manchester United for their top four race.

The second thing wey we observe for the game na say David de Gea and Marcus Rashford bin dey on top form. If no be for De Gea, Huddersfield for don equalize when the game still be 1-1. As the Spaniard make world class save, e no tey wey Pogba score United’s second goal. As for Rashford, even if e no score, e be real threat today. E suppose score and e suppose get assist but luck no dey hin side.

The third thing wey we observe na say Manchester United bin struggle small against Huddersfield. As second half start, i no sabi wetin happen but them begin press United, dey see chance after chance. Fear con catch Solskjaer, na why e replace Fred and Dalot with Young and Herrera. As dem enter, they con help, as na Herrera wey do assist for Pogba’s first goal.

Another thing wey we observe na say our defence bin dey on point today. Even though dem bin go asleep for the Huddersfield goal, i go rate them 75% today. E sure me say very soon, dem go begin keep clean sheet.

The last thing wey we observe na say Ole Gunnar Solskjaer wan kill Manchester United with enjoyment. Everything about am dey positive and e dey rub off on the players, staff and fans. The players don dey enjoy their game. Fans don dey jolly for the kind game wey United dey play. If e continue like this, United fit finish top four.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s