Manchester United fans don dey rejoice again o as Ole Gunnar Solskjaer don dey bring back attacking football. Na wetin happen as the Reds knack Huddersfield 3-1. The people wey score for the Reds na Nemanja Matic and Paul Pogba (2 goals).
We wan rate all the United players ontop how dem take perform today:
David de Gea: E bin make some outstanding saves but the best save wey e make today, na wetin give Manchester United smooth journey to three points. I rate am 9.
Diogo Dalot: E try for first half but e struggle for second half. Na why Solskjaer replace am with Young. I rate am 5.
Luke Shaw: Na average game e get. I rate am 6.
Phil Jones: E don improve sha, e no dey score own goal again. I rate am 6.
Victor Lindelof: E get normal game. E sleep for that goal, 6.
Fred: E do well for first half but e turn vanishing spray for second half. I rate am 4.
Juan Mata: I bin dey expect more from am. I rate am 6.
Paul Pogba: Na our best player ontop that pitch today. Two goals no be beans, 10.
Jesse Lingard: E no get scoring chance today as Huddersfield bin dey defend deep. E do assist for Paul Pogba. I rate am 7.
Marcus Rashford: Even though e no score, na serious threat as e bin cause trouble for Huddersfield backline. The guy form don improve recently. I rate am 8.
I go rate Angel Gomes 3, while i go rate Herrera 7, then i go rate Young 6.