Ole Gunnar Solskjaer don yarn ontop Manchester United’s match vs Bournemouth

Manchester United caretaker manager Ole Gunnar Solskjaer don run press conference ahead of hin side’s clash against Bournemouth. The Premier League match go happen on Sunday, so the boss don yarn hin mind.

Ole: “Na my job to yarn with my players so i go sabi how dem dey feel, and if their moral dey high. I believe say everybody for this team gats improve so i go try my best to help them.”

Ole: “You no fit dey tell players wetin e go do and wetin e no go do. I believe say everybody dey here for one reason, to shine, all of them sabi ball. Na up to them to use sense, so dem fit dey enjoy ball. Na the best time of your life, enjoy am.”

Ole: “We no too train, as yesterday na off day. Today na the first day back. Lukaku, Martial and Alexis bin train on their own yesterday. But today na full team training. I go observe them.”

Ole: “Na small thing remain for Rojo and McTominay to dey fit again. Smalling own bad, hin foot don baje so e go dey out till New Year, e fit play against Spurs sha but na only God know.”

Ole: “Sir Matt don yarn am before. if you sabi ball, you sabi ball. E no matter if you be 15 years old. Our tradition na make young players dey break through. If you be pikin and you dey ready, your turn go come.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s