Today na good day for Manchester United fans as the Red Devils don continue their fine form under new caretaker manager Ole Gunnar Solskjaer.
The Reds dey on flying form with goals from Pogba, Lukaku, and Rashford. Na how United take destroy Bournemouth. Na Ake wey score for Bournemouth. Our next game na against Newcastle on Wednesday night. We hope say na another three points.
We wan talk about the five things wey we observe for the game.
The first thing wey we observe na say Marcus Rashford dey on fire. Na him wey single handedly create that Paul Pogba goal. I no know as e take dribble two Bournemouth defenders for that small place, before e con square am for Pogba wey score. Before Rashford leave pitch, e bin dey limp. I hope say the wound no serious.
Another thing wey we observe na say Manchester United dey play attacking football. Na the kind fast tempo game wey fans wan see, hin dem dey play. If no be for Eric Bailly’s red card, e for don end 5-1 or 6-1. Na him card calm the United men down.
Another thing wey we observe na say Paul Pogba dey enjoy the best run for hin Manchester United career. Na the first time wey e don win three consecutive Man of the Match for United. We hope say e fit continue like this.
Another thing wey we observe na say Manchester United still get defensive problems and e bin show. Dem dey struggle to defend aerial balls. Dem dey struggle to defend set-pieces. Ake for don score pass one goal today but na luck save United.
The last thing wey we observe na say Manchester United fit finish top four if dem continue like this. But the real test of if dem don improve go happen when dem face Tottenham. Na that match go determine if na zobo or na true true say dem don step up.