The new caretaker manager Ole Gunnar Solskjaer don reap praises ontop hin players after dem thrash Bournemouth 4-1 on Sunday. The people wey score for the Reds na Paul Pogba (2x), Marcus Rashford and Romelu Lukaku.
The Reds boss talk say e like how hin players take manage the game today. E also yarn about the red card wey Ivorian defender Eric Bailly see for hin tackle on Fraser.
Solskjaer: “For first half, we wan kill dem with attack, na high tempo we give them. But i like as my players take respond to their goal. We bin manage the game better than how we take manage am against Huddersfield. We dey find clean sheet sha but e go hard, this league tough.”
Solskjaer: “Eric Bailly sabi say that hin challenge for the red card dey rough but i no go blame am, my men dey jolly, na why dem win win the ball back sharp sharp. Sometimes, you fit mistime your challenge.”
Solskjaer ontop Rashford: “Marcus na class, hin form don improve since i enter here. E dey make runs, e dey chase dem down when e no dey with ball, that skill wey e do for Pogba’s goal, sweet me. E fit become World Class striker.”