The way games dey come fast for Premier League this December period ehn, i dey wonder how the United players take dey manage their fitness level, as e no dey easy to demolish teams.
Today, Bournemouth don collect their own knacking (4-1). On Wednesday, e go be Newcastle’s turn. Anyway, we wan rate how our United players take perform.
De Gea: E no make any mad save today but e bin make one outstanding block by mistake, that chance wey Ake head, wey go hit hin body. E for be goal. I rate am 5.
Young: This guy try for defence but e dey outstanding for attack. 8
Luke Shaw: E try wella. I rate am 7.
Eric Bailly: Na mumu for that tackle wey cause hin red card. Before then, e try wella. 6
Victor Lindelof: Na decent game e get. E put Wilson for hin pocket. 7
Ander Herrera: Na class today. That hin assist to Pogba na super ball. 8
Matic: Na good game wey e get. E don improve since Mourinho leave. 7
Paul Pogba: Two goals and one assist. Na prime Pogba happen today. 10
Lingard: E no too shine for attack as the others. E try sha for hin off the ball movement. 6
Martial: Hin assist for Rashford’s goal dey mad. I rate am 7
Rashford: Na one of hin best games this season. 9
I go rate Lukaku 7, while Pereira and Jones go be 6