Five things wey we observe as Manchester United knack Newcastle 2-0

Manchester United don continue their winning ways under new caretaker boss Ole Gunnar Solskjaer as dem knack Newcastle 2-0. Na Romelu Lukaku and Marcus Rashford wey score.

The next game for the Reds na against Tottenham. Na the first test wey Ole’s team go face to prove if dem don improve true true. Meanwhile, we wan talk about the five things wey we observe for the game.

The first thing wey we observe na say the game no dey easy at all. So far, na the hardest game for Ole and hin men tactically. I dey thank God say Ole bin make the Lukaku and Alexis change at the right time. Lukaku bin score immediately as e enter pitch. Then Alexis con do assist for Rashford’s goal.

The second thing wey we observe na say Nemanja Matic, Luke Shaw, Antonio Valencia and Juan Mata bin struggle today. Valencia and Shaw no help for attack at all. Dem just standa like statue, dey dash ball to Newcastle. I hope say dem go improve against Spurs.

The third thing wey we observe na say Rashford dey on goal scoring form. Right now, e dey unbenchable. If Lukaku pick form, e be like say na Lingard or Mata go chop bench last last.

Another thing wey we observe na say Manchester United’s defence try wella today. Na how dem manage keep clean sheet. Na only few errors wey Phil Jones do for first half but e recover to prevent goal. For second half, e no mess up.

The last thing wey we observe na say Manchester United fit finish top four o. Now na only six points dey separate United and fourth place Chelsea. If Ole’s men fit continue like this, dem go finish top four. E sure me.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s