Five Things wey we observe as Manchester United knack Reading 2-0: Red Devils no play well but dem win

Na Juan Mata wey score the first goal as United knack Reading 2-0

Manchester United don continue their winning ways under their caretaker manager Ole Gunnar Solskjaer after the Reds knack Reading 2-0 for Old Trafford. The people wey score for United na Juan Mata and Romelu Lukaku. The next game wey Ole’s men get na against Tottenham.

We wan talk about the five things wey we observe for the game:

The first thing wey we observe na say Reading bin play pass United. The two goals wey United score na against the run of play. The United midfield trio of Scott McTominay, Fred and Andreas Pereira no try at all. The worst out of all of them na Fred as just dey give away possession. This Fred no be United standard, make i no lie.

Another thing wey we observe na say Alexis Sanchez fit don get hamstring injury. After Chong bin enter for Mata, e no tey wey the Chilean signal Ole for bench, say hamstring dey pain am, say e wan commot. We dey hope make the injury no serious.

Another thing wey we observe na say Reading bin get more ball possession than United. The Reds bin see 40% ball possession while na 60% wey Reading see. The only problem with Reading, na the fact say dem no sabi create chance, as all their shots just dey fly up and down. As for United, na against the run of play wey dem use score two goals. But the second goal too sweet my belle as that Sanchez assist to Lukaku, sweet me.

Another thing wey we observe na say Tahith Chong bin struggle on hin debut. I no go blame am, na the struggle to impress bin dey worry am. Na why e cross one ball from that pitch to lagos airport.

The last thing wey we observe na say Manchester United don get one more choice for centre-back as Matteo Darmian bin impress for that position today. E bin link up wella with Jones sha. Upon say no be hin natural position, i dey happy with how e take play today.


Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s