Players’ report card ontop Manchester United 2-0 Reading: Na Fred flop pass

Romelu Lukaku don score 3 goals in three games for Manchester United

Manchester United don keep their second cleen sheet in a row after dem knack Reading 2-0 with goals from Mata and Lukaku. If i go dey honest, the performance no make brain as na only 40% ball possession wey United see. Reading bin even get more shots on goal. The only thing wey save Ole’s men, na the fact say 90% of shots wey Reading dey tear, dey land for Nigeria.

We wan rate the United players ontop how dem take perform vs Reading:

Sergio Romero: E bin make two outstanding saves to deny Reading goal. Apart from that, e bin get quiet day. I rate am 8.

Ashley Young: E try for the game. E help for attack. E suppose get assist but Fellaini no score. I rate am 7.

Diogo Dalot: E try small but hin performance no dey outstanding as e bin dash possession away sometimes. i rate am 6.

Matteo Darmian: Na one of our best players for that pitch today. Upon say e no play for hin usual position, e impress me as e no do error. I rate am 9.

Phil Jones: E try sha, e no blunder. I rate am 7.

Scott McTominay: E be part of the reasons why Reading collect 60% ball possession. I rate am 4.

Fred: This guy na the worst player for that pitch. This guy sabi lose possession, e no strong, hin game no dey balanced. Apart from the rare through ball wey e dey give, i for rate am zero.. But because of am, i go rate am 2.

Pereira: E bin struggle just like hin Brazilian brother but e try pass am. E vanish for some periods during the game. I rate am 3.

Alexis Sanchez: Na our best attacker for that pitch. Hin assist for Lukaku’s goal make brain. I rate am 8.

Lukaku: E bin score good goal. If say the midfield make sense today, e for score pass one goal. I rate am 7.

Juan Mata: Na him wey score United’s first goal, E bin dash ball away sometimes but e try small sha. I rate am 6.

Bench: I go rate Rashford and Fellaini 5, while i go rate Chong 3.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s