Juan Ikeji’s blog: Mata dey happy as Manchester United dey knack everybody apako

Juan Mata dey enjoy the new Manchester United

As Monday don reach, Manchester United midfielder Juan Ikeji don release another episode of hin weekly blog:

My People how una dey,

I dey write una for the first time this year, and i dey Dubai. Last Saturday, after we knack Reading for FA Cup, na hin we enter airport, come here. Na small winter training we wan do for here. After the five games we don play, the rest bin come at the right time as we need am. Our aim na to build team spirit so we fit ginger for the second half of the season. We also wan make our body chop better vitamin D from the sun.

As we dey win dey go, our moral don dey high. We dey enjoy am self, and we dey hope say we fit extend am. If i go dey honest, we no play shingbai against Reading but we know say we get una (fans) support at Old Trafford, na why we manage enter next round for FA Cup. The next match wey we get go hard sha, na Tottenham for London. E go happen on Sunday and na big chance to show everybody say we don improve.

I wan wish una well for 2019

Make we Hug,

Juan Mata

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s