Five Things wey we observe as Manchester United beat Brighton 2-1

Manchester United don win seven games in a row and e too sweet my belle sote i no care about yama yama second half performance against Brighton.

Na 2-1 wey United give Brighton. Na Paul Pogba and Marcus Rashford wey tear net. Right now, United dey three points off Top Four and e sweet me as Chelsea go face Arsenal. Ole Gunnar Solskjaer don revive this team and e don keep their next season’s UEFA Champions League hope alive.

Make we talk about the five things wey we observe:

Manchester United try for first half but dem no play shingbai for second half. United players just dey play like say dem dey their living room. If i go dey honest, United’s attack don decrease in the last four games under Ole but i no go complain as the Reds dey win. The Newcastle, Reading, Tottenham and Brighton game no dey smooth as the previous ones but dem sha win.

Another thing wey we observe na say Paul Pogba and Marcus Rashford na new men under Ole Gunnar Solskjaer. As for Rashford, i no dey surprised as hin form bin dey good before United sack Jose Mourinho. Na Paul Pogba’s own show wella as the French man na mumu when Jose still be coach. The way things dey go, i no go dey shocked if Pogba score pass twenty goals this season.

Another thing wey we observe na say Victor Lindelof na beast. Inshort, na United’s best defender this season. Phil Jones self try today, i no go too blame am for the goal as na due to Brighton pressure. Manchester United bin try defence wise today compared to that Spurs game wey na De Gea save us.

Another thing wey we observe na say United’s midfield trio of Pogba, Herrera and Matic na the real deal. If Brazilians like Pereira and Fred wan break into this team, dem gats up their game.

Lastly, the way United dey go, dem go finish top four. But the koko na to take am one game at a time, dey win dey go. When season end, if dem finish for Top 3, make dem give Ole the permanent job.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s