Manchester United don continue their fine form under Ole Gunnar Solskjaer as dem knack Brighton 2-1 for Old Trafford. Na Rashford and Pogba wey score for the Reds.
The Red Devils dey three points behind Chelsea, and four points behind Tottenham. E no go surprise me if United finish third this season. That one na story for another day, make we do players report card.
De Gea: I no go blame am for the goal. The United defenders shield am today. E no get much work. I rate am 5.
Victor Lindelof: Na our best defender, i rate am 8.
Phil Jones: E try for back but e suppose head that ball out (the one wey lead to their goal). I rate am 7.
Ashley Young: E try for defence and attack but e gats work on hin pull-out. I rate am 6.
Diogo Dalot: E impress me plus e get assist for Rashford’s goal. I rate am 7.
Nemanja Matic: E try today but e mess up for second half sha. I rate am 6
Ander Herrera: Na the power house for that midfield. E intercept, e tackle, na do-or-die affair to am. I rate am 8
Paul Pogba: Na prime Pogba wey i see for first half. Hin form drop small for second half but w try wella today. I rate am 8
Jesse Lingard: This guy try for first half but e vanish for second half as usual. 5
Anthony Martial: E miss some big chances. E don dey shy for goal. I rate am 6
Marcus Rashford: Na our best player today. That hin goal na world class. 9
I go rate Lukaku 4, while Juan Mata 2.