Five things wey we observe as Manchester United beat Arsenal 3-1: Dem be our binsh

Tonight na one of my best nights under Ole Gunnar Solskjaer as hin Manchester United side don knack Arsenal 3-1 for Emirates stadium.

The people wey score for United na Alexis Sanchez, Jesse Lingard and Anthony Martial. Na Aubameyang aka ‘Aba Made Phyno’ wey score for Arsenal. As everything take be, United don enter fifth round for FA Cup.

Make we talk about the five things wey we observe as United knack Arsenal apako for their own house.

The first thing wey we observe na say Manchester United bin set up to counter Arsenal and na how the Red Devils take get two goals sharp sharp for first half. Arsenal dey shocked when that second goal enter as dem no expect am. Na the same way Ole set up against Tottenham ‘Counter’, na wetin e do again against Arsenal.

Another thing wey we observe na say Romelu Lukaku and Alexis Sanchez don prove their critics wrong as dem play very well against Arsenal. Na Lukaku wey win Official FA Cup Man of the Match for hin two assists against Arsenal. Na Alexis wey score first goal, see as e disgrace Cech.

Another thing wey we observe na say Manchester United defence dey tight wella today. Fashi the goal wey Aubameyang score, Lindelof and Bailly impress me wella. Young and Shaw bin also do well but na Lindelof shine pass sha.

Another thing wey we observe na say Ole Gunnar Solskjaer don really improve the moral of the United players sote everybody dey jolly, dey give their best. Even today wey Martial no play well, e score. No be one of Pogba’s best games but e bin give hin best too.

Lastly, we believe say this United team fit beat anybody. We no dey fear any team, even PSG. Make dem come. We go beat them Home & Away.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s