Manchester United fans don find their voice again as Ole Gunnar Solskjaer dey lead the club in the right direction. The caretaker manager don win eight games in a row after hin side knack Arsenal 3-1. The people wey score United na Alexis Sanchez, Jesse Lingard and Anthony Martial. The next game wey the Red Devils get na against Burnley by 9pm on Tuesday. (Nigerian Time)
Make we rate all the United players ontop how dem take perform:
Sergio Romero: E no get busy night but e bin make one outstanding save to deny Arsenal at the start of the second half. If no be for am, e for be 2-2, and the game for dey different. 7
Ashley Young: Iwobi bin give am tough time for first half but e handle am well. E try for defence, e no too push attack but na how our tactics take be. I rate am 7.
Luke Shaw: E impress me as e try but hin wing bin leak small for first half when Aubameyang dey use slick passes to confuse am. But e get big hand for United’s second goal, na him wey start the counter attack movement wey lead to the goal. I rate am 8
Victor Lindelof: E win all hin tackles, e win all hin aerial battles. Hin passes dey 82% accurate, e clear ball nine times. I rate am 8.
Paul Pogba: No be one of hin best games but e influence the game big time for critical moments. E dey good for counter-attack formation. I rate am 7.
Ander Herrera: Na good game wey e get, like Pogba. I rate am 7.
Nemanja Matic: Him self try. 7.
Alexis Sanchez: E score, hin touches make brain, hin passes dey accurate. I rate am 8.
Jesse Lingard: E score goal, e try for first half but e too dey slow counter attack. E gats dey make hin decisions faster. 7
Romelu Lukaku: Na our best player against Arsenal. E get two mad assists. I rate am 9.
Martial: E no play well but e score as e dey at the right place at the right time. I rate am 6.