Players’ report card ontop Manchester United 2-2 Burnley: Na Pereira flop pass

The kind pain wey dey inside me as i dey write this post ehn, na sign say Manchester United don improve under Ole Gunnar Solskjaer. As e don make me dey used to winning every game. But na God save us as we manage draw 2-2 vs Burnley, honestly i think say we don lose already as Burnley bin dey lead at the 87th minute.

We wan rate all the United players ontop how dem take perform vs Burnley:

De Gea: The two goals no be hin fault, na defensive mistakes. I go sha rate am 5.

Young: Na him wey cross ball wey Sanchez head, wey keeper punch go meet Lindelof wey equalize. But most of hin crosses on the night na error. 6.

Phil Jones: Unlike most fans wey go blame am for that pass to Pereira, i no go blame am. Nothing do that pass, na Pereira wey wan dribble for there. I rate am 6.

Victor Lindelof: E try but e get hand small for Burnley’s second goal, but e redeem himself with hin equalizer. I rate am 7.

Luke Shaw: E help for attack. e try sha. But e gats work on hin shooting. I rate am 6.

Andreas Pereira: Na the flop of the match vs Burnley. E bin lose posession 14 times. e no recover anyball. All hin tackles lead to foul. To make matters worse, e go dash Burnley their first goal. Na why Ole vex, commot am. I rate am 1.

Paul Pogba: E play well but most of the players wey dey arround am no dey the same wavelength with am. I rate am 8.

Nemanja Matic: E try but e bin dey miss Herrera as Pereira na minus one. I rate am 6.

Juan Mata: This guy no get body, i no even understand hin pattern, na RW dem play am but e go dey deep down in our own half, wetin e dey find for there? i rate am 4.

Marcus Rashford: E miss one on one, i wan cry. E no play well vs Burnley, na bad day at the office for am. I rate am 4.

Romelu Lukaku: E bin miss one big chance but i no go blame am, na Heaton wey turn prime Buffon. Luck no just dey hin side on the night. I rate am 5

Bench:

I go rate Lingard 7 as na him wey win penarity for us, I go rate Alexis 6 as na him wey help for the equalizer.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s