Players’s report card ontop Manchester United 1-0 win over Leicester

Ole Gunnar Solskjaer don get hin nineth win as Manchester United caretaker manager as the Red Devils knack Leicester 1-0 after Rashford burst their yansh for first half. We dey very happy with the result as e mean say United don put pressure on Chelsea wey dey fourth position.

We wan sharply rate all our players ontop how dem take perform:

David de Gea: E keep clean sheet and e make some mad saves. 8

Victor Lindelof: E dey solid for back, e no allow make Vardy shine. inshort, e put am inside hin pocket. 7

Eric Bailly: Na our best defender of the day as e shine pass hin colleague Victor Lindelof. E bin dey tidy up when e be like say Leicester don break our defence down, e go just come from nowhere, clear ball. 8

Luke Shaw: E try sha but e lose ball sometimes. 6

Ashley Young: E mumu for first half, but e try for second half. 6

Paul Pogba: To me, na our best player of the day, with hin world class assist. E bin make some mad forward runs too. 9

Nemanja Matic: E try but e bin dey sloppy sometimes. 6

Ander Herrera: Na average game wey e get today. Leicester shine pass us for midfield. 6

Jesse Lingard: E no play well today. 5

Alexis Sanchez: Make i no lie, this guy na passer by today, e no impress me. 4

Marcus Rashford: Hin goal make brain, but later on, e con disappear from the game. I rate am 7

Bench:

I go rate Lukaku 6, while i go give Martial 4.


Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s