Players report card ontop Manchester United 3-0 win over Fulham

Manchester United dey siddon for top four position after dem knack Fulham 3-0. The people wey score for Ole’s men na Paul Pogba and Anthony Martial. We wan sharply rate all the United players ontop how dem take perform vs Fulham:

David de Gea: E keep clean sheet and e make some good saves. i rate am 8.

Luke Shaw: E dey make solid runs and e help for back too. I dey happy with am today. I rate am 8.

Diogo Dalot: E bin help for attack, e suffer small for defence but our other defenders cover up for am. I rate am 7.

Chris Smalling: Apart from the few times wey e bin dey shake, e dey very solid for defence, e head every threat out. The guy head dey work wella. I rate am 8.

Phil Jones: Na our best defender of the day. E block everywhere, dey cover up when other defenders loose guard. I rate am 9.

Ander Herrera: E ball fire, i rate am 9.

Nemanja Matic: E perform hin role wella, apart from the first 10 minutes wey e bin struggle small. I rate am 8.

Paul Pogba: I go give am 10/10. Na French destroyer.

Anthony Martial: Hin assist to Pogba for hin first goal make brain but that hin solo goal na Goal of the Week. 9

Juan Mata: E improve compared to hin previous games. 7

Lukaku: E no score but na him wey get hand for the penarity wey Pogba score. Na him wey make the run, before e pass to Mata, wey dem foul, win penarity. 7


I go rate Alexis, McTominay and Bailly 6

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s