Five Things wey we observe as PSG beat Manchester United 2-0

PSG don humble United for Old Trafford

Manchester United don chook one leg outisde Champions League as dem lose 2-0 against PSG for Old Trafford. If the scoreline no bad reach, Paul Pogba con collect red card. The way everything take be, i no know how United wan manage win 3-0 or more for France without Pogba. Make we sha talk about the five things wey we observe:

The first thing wey we observe na say Manchester United no try at all tonight. I no sabi whether na fear dey catch them because dem no create any good chance. All their chances na half chances. I no sabi why dem dey play rush rush tonight. Their tactics tonight na to play long ball to Rashford to chase, e no work but na wetin dem try from start to finish.

Another thing wey we observe na say problems don increase for Ole Gunnar Solskjaer as two of hin main Manchester United men Anthony Martial and Jesse Lingard don injure. We dey hope make e no serious as United get game on Monday night against Chelsea. Lingard try for the game but Martial no try shingbai.

Another thing wey we observe na say Mbappe use pace kill Eric Bailly and Victor Lindelof. For that second goal, i go blame Eric Bailly self. See as Mbappe dey hin back, but somehow, e manage reach hin front, to score that goal. Eric Bailly don fall my hand big time tonight. E no be world class defender at all. If United wan compete at top level, dem gats sign new defender wey go partner Lindelof.

Another thing wey we observe na say United bin go from frying pan to fire as Alexis and Juan Mata enter for Lingard and Martial. Dem two no play shingbai. As dem enter, PSG con dey press us, na how dem manage score.

Lastly, Ole bin fail tactically tonight with the approach. I hope make e learn from am, if e wan become United permanent manager.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s