Ole Gunnar Solskjaer don provide update ahead of Manchester United vs Chelsea

Manchester United caretaker manager Ole Gunnar Solskjaer don run press conference ahead of hin side’s FA Cup clash against Chelsea on Monday.

Ole ontop Eric Harrison: “Him na man wey sabi wella. E never coach me before but i don ask Eric Cantona about am plenty times, the guy bin love this club. Yesterday bin dey sad as e die, we no go forget am.”

Ole: “E no get anybody for this life wey no dey pass through challenges but to bounce back na the koko. E no go easy against Chelsea but we go train wella so we fit dey ready for them on Monday.”

The United boss Ole don confirm say Jesse Lingard and Anthony Martial go miss up to two or three weeks of football action. So dem go miss United’s games vs Chelsea and Liverpool.

Solskjaer: “Angel and Chongy don dey train all week so dem go see chance to play. Mason Greenwood wey i bin wan give chance now Lingard and Martial dey injured, him self don injure. Luck no dey hin side but maybe e go see chance another day.”

“We no fit shake because we don lose match – out mindset never change, for where,” na wetin Ole yarn. “We go continue the work wey we dey do, how we wan dey approach games, how we go dey attack wella, na our plan be that.”

Solskjaer ontop Chelsea: “I bin go watch them when dem against City and City burst their yansh sote dem forget their pant for Ethiad but Chelsea get squad sha, make i no lie – Dem for score like two or three goals that game. E go dey hard to face them.”

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s