Five things wey we observe as Manchester United beat Chelsea 2-0 for FA Cup

Na Pogba wey run the show as United beat Chelsea for Stamford Bridge

If person for tell me say Manchester United go beat Chelsea 2-0 for Stamford Bridge, i for doubt am but na wetin happen as the Reds kick the Blues out of FA Cup. The people wey score for Ole na Ander Herrera and Paul Pogba. Manchester United don jam Wolves for quarter-final in the FA Cup. Make we talk about the five things wey we observe for the game tonight.

The first thing wey we observe na say Paul Pogba and Ander Herrera bin try wella tonight. Na them wey run the show for midfield. Even if na Chelsea wey get ball possession pass, na United wey get the better chances as na so so side passes wey Chelsea dey do. Jorginho, Kovacic and Kante no dictate anything.

Another thing wey we observe na say Manchester United try wella for defence. The combo between Victor Lindelof and Chris Smalling dey correct as dey manage put Eden Hazard and Higuain inside pocket sote them no see clean scoring chance. I gats hail Luke Shaw for hin huge defensive performance for second half as e bin make one mad clearance to deny Pedro from goal chance.

Another thing wey we observe na say Ole Gunnar Solskjaer bin get hin tactics spot on against Chelsea as hin team bin worry Chelsea wella even when dem hardly see ball. Na God save Chelsea, this game suppose end like 3-0. Now Ole don silence all the people wey doubt am after that PSG defeat.

Another thing wey we observe na say Marcus Rashford no dey tire. That boy bin run from the start of the match till e comot, e get one time wey e dribble three Chelsea defenders. Lukaku self try as e pressure Chelsea defence sometimes.

Lastly, the substitutes Alex, McTominaay and Pereira bin help the team to keep clean sheet as dem put body for ball when them enter. Especially Alexis, e chase everyball, dey win freekicks, to help United calm the game down.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s