Players’ report card ontop Manchester United 2-0 win over Chelsea: Herrera and Pogba don school them

Na Ander Herrera wey win United’s Man of the Match but na Pogba run the show.

Manchester United don kick Chelsea and their big bum bum Merchant Eden Hazard out of FA Cup after dem win 2-0 for Stamford Bridge with goals from Herrera and Pogba. The next game wey the Reds get na against Liverpool for Old Trafford. Meanwhile, make we table Players’ report card tonight.

Sergio Romero: E bin make top saves for first half but our defence shield am wella for second half. I rate am 8.

Luke Shaw: E shine wella for second half as e make important blocks and clearances. I rate am 8.

Chris Smalling: Higuain still dey inside hin pocket. I rate am 8.

Victor Lindelof: Na World class, 8.

Ashley Young: E try, e no do error tonight. 8

Nemanja Matic: E fear me as e almost collect red card but Ref pity am. 7.

Ander Herrera: Na world class today as e manage outshine all Chelsea midfielders and e score self. 10

Paul Pogba: With one goal and one assist, i go give am 10 over 10.

Juan Mata: E bin frustrate Jorginho and e also help for attack and defence. 7

Romelu Lukaku: Hin movement help sha, and e get some nice things wey e do ontop pitch, 7.

Marcus Rashford: E get assist, plus e bin worry Chelsea with hin pace.


Alexis: E try when e enter as e close Chelsea players down and e help Luke Shaw for back. For front, e win plenty fouls to calm game down for United as dey wan waste time. 7

Pereira and McTominay, i go give them 6 as dem no put sand for our garri.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s