Five Things wey we observe as Manchester United draw 0-0 against Liverpool: Na draw Klopp want, Liverpool no play shingbai

Today get as e be as Manchester United draw 0-0 against Liverpool for Old Trafford, the way the game take be, e sure me say na one point wey Jurgen Klopp want as hin team no see any clean chance throughout the whole game. The thing wey pain me about the match, na the fact say Ander Herrera, Jesse Lingard and Juan Mata don injure.

We wan talk about the five things wey we observe for the game.

The first thing wey we observe na say Manchester United bin suffer wella for first half as injuries wan finish the tactics wey Ole Gunnar Solskjaer do. Firstly, na Rashford talk say leg dey pain am but e play 90 minutes. Then Herrera con talk say hamstring hold am, then Pereira con replace am. E no tey, Mata con talk say hin leg dey pain am, then Jesse Lingard con enter for am. Lingard bin miss one clean one on one chance after Lukaku give am fine through pass, after am, e woundjure. Then Alexis con replace am. I thank God say no other player bin woundjure for the game.

Another thing wey we observe na say Liverpool no play shingbai. Them no see any clean chance throughout the game sote De Gea no make any save. At one point, dey con dey waste time like say dem wan play draw.

Another thing wey we observe na say Romelu Lukaku na the best crosses from the right wing. If i go dey honest, the Belgian bin create the most chances for United in the game from that wing. E don give Ole option incase Lingard injury dey serious.

Another thing wey we observe na say Manchester United defence bin dey solid. I think say Ole Gunnar Solskjaer don find hin best defensive partnership in Chris Smalling and Victor Lindelof. Dem do manage keep clean sheets against Chelsea and Liverpool.

Lastly, i wan hail Marcus Rashford, Luke Shaw and Paul Pogba for their fighting spirit. Pogba bin dey track back like say e be defender, e too give me joy. E bin also help to push attack. See eh, i dey happy with United.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s