Manchester United caretaker manager Ole Gunnar Solskjaer don provide update ahead of the clash wey hin side get against Crystal Palace on Wednesday night.
According to the boss, na big chance for Lukaku and Alexis to step up as many players dey injured because of injury problem. Na also chance for the youths to step up.
Ole ontop Lukaku: “See ehn, Big Rom ball fire against Liverpool and the two big chances wey we see, the Lingard and Smalling one, na Lukaku create am.”
Ole: “Darmian don dey train with us but i no think say him dey ready. Rojo go play. As for Rashford, we dey wait to see how hin ankle dey respond to treatment. I no wan think about am now, na muscle woundjure.”
Ole: “Phil Jones dey sick, e go dey out for some time.”
Ole ontop Alexis and Lukaku partnership: “Na big chance for them to show themselves. Dem get big potential. Dem dey relate well, so na chance to see if dem go regain their form so i go get selection headache when everybody dey fit.”
Ole: “As for Valencia, hin own injury get as e be, e go recover and the wound go return, na calf problem. Anthony Martial still dey injured. We no wan risk am self, but e fit face Southampton. We no wan repeat the same mistake wey we do with Lingard, we no wan rush anybody again.”
Ole: “No be today wey the pikins start dey train with us. Angel don play for England U17s, James Garner na younger version of Michael Carrick and Chong go make people chop grass. Dem dey ready for action.”