Players’ report card ontop Manchester United 3-1 win over Crystal Palace: Na Luke Shaw run the show

Ole Gunnar Solskjaer and hin Manchester United team don get back to winning ways after dem beat Crystal Palace 3-1 with goals from Lukaku (2x) and Ashley Young. The next PL game for the Reds na against Southampton on Saturday by 4pm.

We wan rate all our United players ontop how dem take perform against Crystal Palace:

David de Gea: I no go blame am for the goal. E dey good on the night but our defence shield am for the most part as dem no allow make Palace see good scoring chance apart from the goal. 7

Ashley Young: If say e no score ehn, i for yab am but that hin goal sweet me, so i go rate am 7.

Luke Shaw: This guy na the Man of the Match for me as e transform to Lionel Messi for first half, na how e manager create the assist for Big Rom’s first goal. 10

Chris Smalling: E don continue hin fine run of defensive performance. 8

Victor Lindelof: Like Smalling, him self defend well. The goal no be their fault, na Ashley Young wey dismantle our defence as e wan dribble Zaha. I go rate am 9 for hin assist for Lukaku’s second goal.

Diogo Dalot: Na right-wing wey hin play, we dey happy with hin game, hin pullout na die. 7

Paul Pogba: As usual, Pogba bin run the show against Palace. Na him wey do assist for Young’s goal. 9

Scott McTominay: This guy na our best midfielder of the night. The way him take dey man that Matic’s position dey sweet my belle. 10

Fred: Na our worst midfielder of the night, maybe na fear dey catch am. 6

Alexis Sanchez: E try, hin link up play with Shaw and Lukaku make brain. 7

Romelu Lukaku: I dey very happy with am, two goals no be beans. 9

Bench:

I go rate Eric Bailly 6, Rashford 5 and Garner 5 as dem no too play for long.

Advertisements

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s