Five things wey we observe as Manchester United beat Southampton 3-2

O boi, the kind match wey happen today fit give person high BP. Manchester United bin come from behind to beat Southampton 3-2. The people wey score for United na Andreas Pereira, and Romelu Lukaku (2x). The thing wey sweet me pass for the game na Lukaku’s 89th minute winner. Right now, the Red Devils dey siddon in fourth position as dem don kick Arsenal enter fifth after dem draw 1-1 against Spurs earlier.

Make we talk about the five things wey we observe as Manchester United knack Southampton.

The first thing wey we observe na say Romelu Lukaku don rediscover hin goal scoring form at the right time. See ehn, if the injured players come back, None of dem fit bench Lukaku the way things dey go. Whether na Martial, or abi na Lingard, if Big Rom continue hin fine scoring form, nobody fit keep am for that bench. The Belgian don score four goals in hin last 2 PL games.

Another thing wey we observe na say Manchester United dey struggle for midfield without Nemanja Matic and Ander Herrera. Even if Pereira bin get assist and goal today, i believe say e dey part of the reasons why United midfield no fit dictate game from start to finish. United bin give themselves hard work today. But i go appreciate Pereira regardless as e no easy to score and assist for Premier League.

Another thing wey we observe na say Diogo Dalot na game changer. I no sabi why Alexis Sanchez dey get bad luck but as soon as e leave pitch, the goals just dey fly like water. I believe say Alexis go leave at the end of the season as e never justify hin huge salary.

Another thing wey we observe na say David de Gea bin no dey at hin best today but na Romelu Lukaku wey save am from shame. Well no be everyday wey somebody go perform, so i fit forgive De Gea for that first goal wey Southampton score.

Lastly, we believe say Manchester United fit finish top four at this rate. But the big decider na the game wey the Reds get against Arsenal next week.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s