Players report card ontop Manchester United 3-2 win over Southampton: Lukaku na beast

Manchester United don collect important three points after them beat Southampton with late goal from Romelu Lukaku. We dey happy for the Belgian as na the fourth goal wey e don score in the last two United games wey e don play. Na guaranteed starter against PSG on Wednesday night.

But before we begin eye the UCL tie, make we talk about our player ratings vs Southampton:

De Gea: E fumble today as e allow that first goal beat am. E no cover that angle. 4

Young: This guy go dey pitch and e go dey think about the food wey e chop last night. 5

Smalling: I thank God say VAR no dey Premier League yet, else e for don give away cheap penalty. 5

Lindelof: E dey below hin usual standard today, na why we concede two goals. 6

Shaw: Na normal game e get but e ginger after Alexis commot. 6

Pogba: No be one of hin best games, e dey sloppy at times. 5

McTominay: E mess up jare. 5

Pereira: For first half, e play like mumu but e con transform to Iniesta for second half to get one goal and assist. E con resume hin mumu level after Southampton equalize, na why Ole bench am. E try overall. 7

Alexis: Park and go, 4

Lukaku: Na 10/10. Na our best player today.

Rashford: Na one of hin worst United games jare, e too lose ball. But e win penalty wey Pogba miss. 3


Dalot: Na game changer, as e enter pitch, the goals con dey come. E sabi play right-wing, 7

I no fit rate Chong as e no play for long.

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s