As today na Monday, Manchester United midfielder Juan Mata don drop hin weekly blog and we don translate am to pidgin:
My people, i dey write una after one of the strangest weeks wey i don see for my life. E shock me say injury bin catch me as me na person wey no too dey injure. I no fit train with my teammates this week. But i dey chill with them everyday as i dey do my recovery for the training ground but no be the same thing.
E dey pain me say i no fit contribute especially onto say we bin play two games this week. E dey sweet everybody say the team dey do well ontop pitch, we dey show everybody say we fit compete. On Wednesday, we knack Crystal Palace for Selhurst Park, where Lukaku bin score two goals. I also wan hail James Garner as e don play hin first United game at top level.
On Saturday, we con come back to win against Southampton. Dem play well sha, even if we knack dem, i hope say dem no go relegate. Na game of mad goals but luck dey our side as we manage knack them. E bin dey weird for me as i bin dey celebrate infront of TV, but las las i bin dey happy. E dey important say we win am o, as our rivals no dey slack.
Na two games wey we get this week…. I no go play am but i go dey support my team as i dey work on my recovery. I dey improve and very soon, i go come back.
PSG and Arsenal go hard o but we go face them. Na the PSG own wey hard pass after we mess up for first leg but United na team wey no dey give up. We gats believe say e dey possible. Later, we go wakka go Emirates Stadium to fight with Arsenal for Champions League spot next season.