As we wake up today, na hin we hear say Alexis Sanchez injury dey serious as e fit miss up to two months of football action as e don get knee ligament damage. According to Maks Cardenas, e go dey out for 6-8 weeks.
No be the first time wey the Chilean dey get this kind injury but i believe say e fit be the end of hin United career as e never add value since the time wey e come the club. E don get only one goal and three assists for Premier League this season, na very poor stats for the kind huge salary wey hin dey collect.
Make we dey see sha because i no dey expect United to extend hin contract as e no dey add value but no be my money. If dem wan extend am, na dem sabi.