Ole and Lindelof don yarn ahead of Manchester United’s clash vs PSG: “We fit qualify”

Ole Gunnar Solskjaer don run press conference

Manchester United caretaker manager Ole Gunnar and Victor Lindelof don yarn for press conference ahead of the UCL Clash wey the Red Devils get against Paris Saint Germain on Wednesday night.

The Red Devils bin lose 2-0 for first leg at Old Trafford but the former United player believe say United fit still qualify.

Ole: “I know say we don put pressure ontop ourselves. Outside pressure no dey even worry us. Everybody dey expect us to exit the competition but na we be Manchester United. We go try our best.”

Ole: “E go hard but we fit do am. The koko na make we score first goal, we gats dey in the game, if we score ehn, dem go piss for body. We gats perform if we wan qualify.”

Ole: “The thing wey dey ginger us no be to make history, na to qualify for the next round. Losing no dey our DNA, E dey pain us say we lose the first leg.”

Ole: “I hope make we stop Mbappe tomorrow. The guy dey run sha. I hope say Victor and men go put am inside their pocket.”

Ole: “I know say we don lose some players to injury, e dey happen. We go cope without them, the squad wey i carry come Paris, make brain.”

Ole: “Sanchez? E don woundjure for hin knee and e bad. E go dey out for four-six weeks. I hope say e go recover fast.”

Ole: “Every young player dey pray for the day wey hin own time go come, so e fit blow like Rashford. Na the belief be that. Tomorrow, e fit happen.”

Ole: “No be today wey teams dey come from behind to win games, we don do am many times. My players dey ball away from home. See ehn, we don beat Tottenham, Arsenal and Chelsea.”

No be Ole Gunnar Solskjaer wey talk for the press conference as United defender Victor Lindelof also yarn hin mind. The defender dey use one eye monitor PSG attacker Kylian Mbappe.

Lindelof: “Ole na good man o. I dey speak to am in Swedish sometimes. Since wey e come here, Ole dey help me. E tell me say make i play my game, and things go go well. E dey boost my moral.”

Lindelof: “Mbappe? Everybody sabi say e dey ball. Him na world class forward, but i wan see if i fit put am inside my pocket. My eyes go dey at alert, i dey ready for anything.”

Wetin you think?

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s