Manchester United caretaker manager Ole Gunnar Solskjaer don run press conference ahead of hin side’s PL clash against Arsenal on Sunday.
According to the United boss, the Reds dey focus on Arsenal as e sabi say the game no go dey easy.
Ole: “We don reach quarter-finals, na wetin we dey expect of Manchester United. The reason why we bin celebrate like that na because of the way we take comeback to win dem for dying minute. But now we go face Arsenal – we gats prepare ourselves.”
Ole: “Eric dey fine, Anthony dey available and we hope say Nemanja Matic and/or Ander go dey ready too.”
Ole: “I no dey here to get happy, i dey here to do my job. The contract rumour wey people dey spread around na lie because person no fit get two contracts at once. Right now, the only contract wey i get na the one with United and e go expire at the end of June.”
Ole: “We don dey eye wetin go happen for pre-season, i hope say the new players wey the club go sign, go stay for many years.”
Ole: “E dey sweet me say i dey manage these boys. When i bin dey play for United, e sweet me. Now i be manager, e sweet me. E sweet me to work here and i don talk am many times, i go try my best every day.”
Ole: “The only way i sabi how to approach things na to dey positive. When our players bin woundjure, e bin give me the chance to see men like Scott, Fred and Andreas. Dem impress me.”
Ole ontop Rashford: “We sabi the legends wey we don get for this club, the people wey don last for here, we hope say Rashford go be one of them. If e continue like this, e go remain for the team, e dey up to am for stay here.”