- The 26-year-old representatives dun enta report say hin dun reach out to The Red Devils and Chelsea over possibility to carry the player.
- However, The Blues no fit sign new players due to say FIFA dun ban them, Agberos sha.
- The winger hinself dun confuse about hin future.
Philippe Coutinho agents dun approached Manchester United and Chelsea ontop the Brazilian possible transfer for summer, Spanish outlet AS report. As the source take yarn am, the player representatives Kia Joorabchian and Giuliano Bertolucci dey keen on their client move to the Premier League. As mata take be, dem never hear anything from either The Red Devils or The Blues.
Report dun carry am say Barcelona dey expect to let the winger go for at least £69m. But if na to take into consideration Chelsea transfer ban wey FIFA sanction them as dem breach the rules wey dey relating to the transfers of players wey dem age under 18, The Blues no fit be favourites to land the 26-year-old unless CAS delay the penalty.
This season the Brazilian, wey join The Blaugrana last January for £125m from Liverpool where hin spent five years, dun struggled to receive regular playing time. In fact, Coutinho only for 16 of 26 games for La Liga this season. Commenting on hin possible departure, the player yarn: “I come here so as to better myself, but I live the moment. I no sabi the future now.”
If Coutinho join United hin go become the second Brazilian for the current squad. Speaking of the Brazilian style of football, Fred yarn for one of hin interviews with United website: “Like many people talk, Brazil na the country of football – dem send many pikins there to footballing schools by dem mama and papa; na as if dem dey born with that passion to play the game. I think say football dey all Brazilians blood.”
If United fail to sign Sancho, shee you go like see Coutinho for Old Trafford?