BBC experts dun recently give dem verdict ontop the Premier League best foreign goalkeeper since the establishment of the league. During the voting, Manchester United legendary goalie Peter Schmeichel surpass ogbonge goalkeepers like David De Gea and Petr Cech. Alan Shearer con reckon say the Dane na the hardest opponent between all the goalies wey hin dun disgrace for hin career.
“I play against am wella plenty plenty times. Hin hard, great for crosses and na winner. Hin bully and organise hin defenders and, as I dun follow Steve Bruce and Gary Pallister yarn as dem play in front of an wella, them yarn say hin na one kyn horrible player in a good way.
“Dem get huge respect for am and you go dun sabi say you dey enta battle when you come up against Peter. Hin certainly no dey fear at all. Hin bring the starfish technique where hin make himself huge and you gats dey very accurate to get the ball past am. The memory I take commot from playing against him na how big hin make himself against you.”
Ruud Gullit, Chelsea ex-player and ex-manager states say the Dane provide United with beta confidence for back: “Schmeichel nq one complete package, hin presence dey there all the time and na ogbonge player with his feet too – wey dey very important now. You go probably feel safe with Schmeichel for your back you and the players for dun dey tink am, “As long as hin dey there, we get chance to win”. Hin fit make saves wey dey vital.”
Chris Sutton, The Blues’ former striker insists say United success for late 1990s na mainly because of the goalkeeper: “Schmeichel na head and shoulders above the rest. Hin be rather unorthodox, more of one kyn handball goalkeeper when hin first come over. E dey very unusual but hin get very imposing presence. At the start of the era, wetin dah Manchester United team achieve na down to hin influence.”
Who be your own best, Schmeichel, Van Der Sar or De Gea?