Manchester United don make Ole Gunnar Solskjaer their permanent manager

Manchester United don appoint Ole Gunnar Solskjaer as their permanent manager. Na three year deal wey e sign with the club. We at MUIP wan hail am for the position.

Na wetin Ole yarn ontop the matter be this.

Ole: “Since the first day wey i wakka enter here, i dey feel at home for this special club. E dey make my head swell say i don play ball for Manchester United, and then na here i take start my coaching career self. The last few months don burst my brain.”

Ole: “I wan thank all the coaches, players and staff for the work wey dem don do so far. Na the job wey i don dream of be this and e dey fill my heart with joy say i don see chance to lead the club to success and i hope say i go fit deliver.”

United chariman Ed Woodward self don yarn ontop the matter.

Woodward: “The guy don try for us, no be just with hin results and performances o, Ole dey bring experience, as hin be player and coach, and e get ginger to lead young players forward and e understand the club wella.”

Woodward: “Ole na the right man to lead Manchester United forward. I wan thank Ole and hin coaching staff for everything wey dem don do so far, i also wan congratulate am on hin appointment.”

Woodward ontop Ole: “The fans and everybody for here dey behind am as e dey prepare to build the next stage for our history.”

Wetin you think?

Fill in your details below or click an icon to log in: Logo

You are commenting using your account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s